Napunio 18 godina pa zaprosio majku najboljeg prijatelja

Čes Gabard (18) iz Kentakija u SAD-u prvi put je ugledao Džejm Braun (39) kada je imao 11 godina. Bila je to mama njegovog dvije godine mlađeg prijatelja. Godine su prolazile, a on nije skidao oči s nje.

Napunio je 18 godina i shvatio da ga ta žena neodoljivo privlači. Ne smeta mu što je toliko starija od njega i što ima troje djece. Počeli su da izlaze, a nedavno je i zaprosio. Njenom sinu i njegovom najboljem prijatelju ta veza ne smeta, čak je srećan zbog njih.

“Nisam znala šta osjeća prema meni, ali niti šta ja osjećam prema njemu, sve dok me nije poljubio. Bio je to totalni šok, ali od tada smo postali nerazdvojni”, ispričala je Džejm.

“Ipak, imam troje djece pa sam najprije morala da vidim je li to u redu, ipak su mi djeca na prvom mjestu. Ali, niko od njih nije imao ništa protiv”, dodala je.

Smatra da ljubav ne poznaje razliku u godinama i priznaje da će se vjenčati tek nakon što njen razvod braka bude i službeno okončan. To im, kaže, ne smeta da već sada krenu s planovima za vjenčanje.

“Predložio sam joj da se vjenčamo nakon dva mjeseca naše veze, a to pitanje sam ponovio još barem 300 puta. Volim njen karakter, znao sam odmah da želim da se vjenčam s njom. Ima sjajan smisao za humor, ne dopušta mi da budem lijen”, rekao je ovaj mladić i priznao da se njegovoj mami u početku ta ideja nije sviđala, bilo je trzavica, ali na kraju je ipak blagoslovila njihovu vezu.

Autor: CdM/24sata.hr