Dječak napravio školu za siromašnu djecu, od gradonačelnika dobio Bravo

Nicanor Quinteros je jedan sasvim običan dječak koji živi s bakom Ramonom, ide u školu, voli da jede mlijeko i keks. Ne bi se puno razlikovao od ostale djece da ne posjeduje vlastitu privatnu školu koju je osnovao kako bi pomogao drugoj siromašnoj djeci.

Kada je imao devet godina, Nicanor je pitao baku smije li da napravi školu pored njihove kuće. Njoj se svidjela ideja kad joj je rekao da želi da pomaže djeci koja nemaju dovoljno novca za knjige, sveske, školske torbe pa čak i cipele u kojima bi išli u školu.

Dječak iz Argentine je malo po malo napravio svoju školu koju su nazvali “Patria y Unidad”. Za gradnju je koristio tek ono što je imao.

Ova škola postoji više od tri godine. Druga djeca su mu pomogla da napravi dvije učionice, ormariće, malu knjižaru, nabavili su tablu i one najosnovnije stvari koje bi trebala da ima jedna škola. Jedna njegova prijateljica radi kao učiteljica u školi. Škola ima 36 učenika različitog uzrasta, koji su mu jako zahvalni.

Dječak ponekad ostaje do kasno uveče kako bi pomogao drugoj djeci u učenju, a svoj džeparac čuva kako bi ih mogao počastiti čajem i keksima. Nicanor je zadivio i inspirisao mnoge.

Gradonačelnik je posjetio njegovu školu i nazvao ga pravim herojem.

Autor: CdM.me